‘Drug personalities’ na sumuko sa Marinduque, umabot na sa 399

BOAC, Marinduque – Umabot na sa tatlong daan at siyamnapu’t siyam (399) ang naitalang bilang ng mga boluntaryong sumukong drug personalities sa buong lalawigan ng Marinduque.

Ayon sa panayam ng Marinduque News Online sa tagapagsalita ng Marinduque Provincial Police Office (MPPO) na si Police Senior Inspector Carmelo S. Alino, mula July 1 hanggang July 21, 2016 as of 4:00 am, pumalo na sa 399 katao ang boluntaryong user at pusher na sumuko sa mga otoridad sa buong Marinduque matapos ang isinagawang Oplan Tokhang ng pulisya.

Base sa datos na ibinigay ng Marinduque Provincial Police Office sa pamamagitan ni PSINSP. Alino, ang bayan ng Mogpog ang nagtala ng may pinakamaraming surrenderees sa buong probinsya na umabot sa 115, sumunod ang bayan ng Gasan (92), Buenavista (80), Boac (79), Sta. Cruz (26) at Torrijos, na siyang nagtala naman ng may pinakamaliit na surrenderees (7).

Narito ang kompletong listahan ng mga boluntaryong user at pusher na sumuko sa kapulisan sa pamamagitan ng Oplan Tokhang.

Summary of Surrendered Drug User and Pusher in Marinduque as of Jult 21, 2016
Summary of Surrendered Drug User and Pusher in Marinduque as of July 21, 2016

Samantala, dalawang katao naman ang naaresto ng Marinduque police sa bayan ng Sta. Cruz.

Ayon sa mga otoridad, inaasahan ang patuloy na pagtaas ng bilang dahil nasa gitna sila ngayon ng mas pinahigpit at pinaigting na kampanya at operasyon ng ilegal na droga.

Matatandaan na nangako si Pangulong Rodrigo Duterte bago mag-eleksyon noong Mayo, na susugpuin niya ang krimen sa loob ng anim na buwan.

Tell Me What You Think

Romeo A. Mataac, Jr.

Chief Correspondent at Marinduque News Network
Romeo is the founder and chief correspondent of MNN. Concurrently, he is a researcher in a leading global professional services company. Myong, as he is fondly called by his friends, is a true Marinduqueno by heart who loves travelling and exploring places.​

Related posts

One Thought to “‘Drug personalities’ na sumuko sa Marinduque, umabot na sa 399”

  1. Amy

    can’t imagine Mogpog has the highest pushers and users! sana maubos na silang lahat. scary to younger kids

Leave a Comment