1 patay, 2 kritikal sa ‘motor accident’ sa Mogpog

MOGPOG, Marinduque – Patay ang isang lalaking nakamotor samantalang nasa kritikal na kondisyon naman ang dalawang backride nito matapos na bumangga sa poste ng Marelco ang kanilang sinasakyang Yamaha motorcycle. Nangyari ang aksidente kaninang alas 5:15 ng hapon sa Brgy, Nangka 1, Mogpog, Marinduque.

Ayon sa panayam ng Marinduque News Online sa chief investigator ng Mogpog Police Station, kinilala ang nasawi na si Joseph Labaguis, male, 17 years old habang ang dalawa pang biktima na nasa malubhang kalagayan at isinugod sa Marinduque Provincial Hospital ay kinilalang sina Joshua Requillas, male, 18 years old at Salvador Bataqui, male, 18 years old. Ang mga biktima ay pawang mga mag-aaral (senior highschool) sa Marinduque Academy at mga residente ng Brgy. Sumangga, Mogpog, Marinduque.

Nanggaling diumano sa isang kasiyahan sa Ulong Beach Resort ng nabanggit na bayan ang mga biktima.

Tell Me What You Think

Romeo A. Mataac, Jr.

Chief Correspondent at Marinduque News Network
Romeo is the founder and chief correspondent of MNN. Concurrently, he is a researcher in a leading global professional services company. Myong, as he is fondly called by his friends, is a true Marinduqueno by heart who loves travelling and exploring places.​

Related posts

Leave a Comment