Curfew sa mga kabataan, ipatutupad sa Calapan City

Upang maiwasan na maging biktima o masangkot sa iba’t-ibang krimen ang mga kabataang Calapeño, minarapat ni Calapan City Mayor Arnan C. Panaligan na ipatupad ang curfew on minors City Ordinance no. 4-03 o mas kilala sa tawag na Child Welfare Code of the City of Calapan.

Ang curfew ay ang takdang oras o hudyat ng pagbabawal sa mga kabataan na magpakalat-kalat sa lansangan at paalalang oras na nang pag-uwi sa kani-kanilang mga tahanan. Ang mga kabataang mahuhuling lalabag sa ordinansang ito ay agad mapupunta sa pangangalaga ng CSWD at kinakailangang sumailalim ang mga magulang at ang bata sa seminar on duties and responsibilities of parents and children bago makabalik sa kanilang mga tahanan.

Ipatutupad ang ordinansang ito dahil una at importante sa isang komunidad ang kaligtasan ng mga kabataan.

Magiging epektibo ang nasabing ordinansa simula sa Hulyo 15, 2018. -Photo by Tatak Calapeño, Marinduquenews.com

Tell Me What You Think

Allan C. Macapugay

Insight Contributor at Marinduque News Network
Allan is an insight contributor at MNN. He is a civil engineering graduate and currently working in Abu Dhabi, United Arab Emirates. He loves to read political views and thought leadership.

Related posts