Mahigit 1,000 pasahero stranded sa Talao-Talao Port dahil sa bagyong Usman

DALAHICAN, Lucena City – Mahigit isang libong pasahero ang stranded sa Talao-Talao Port Terminal sa barangay Dalahican, Lucena City dahil sa epekto ng Bagyong Usman.

Sa panayam ng Marinduque News kay Cris Olaguera, officer-in-charge ng Lucena Moriones Port Terminal sinabi nito, “Estimated ko po rito ‘yong nasa loob lamang ng terminal sa Talao-Talao Port ay nasa 1,000 na, hindi pa kasama ‘yong nasa covered court ng barangay Dalahican dahil hindi na nagpapasok ang PPA (Philippine Port Authority) kasi hindi na ma-accomodate ang mga pasahero sa loob ng terminal, lalo pa at umuulan wala na silang masisilungan dito.”

Samantala, umabot naman sa 20 sasakyan ang naipit sa pantalan ng Talao-Talao.

“Base sa latest forecast ng Pagasa kaninang alas 5:00 ng umaga, sa December 29 papasok pa lamang ang bagyo so probably baka bukas pa ng hapon ang balik ng biyahe”, dagdag pa ni Olaguera.

Una rito, nag-abiso ang coast guard na suspendido ang biyahe ng lahat ng uri ng sasakyang pandagat na aalis at magtutungo sa Marinduque alas 4:00 ng hapon nitong Huwebes, Disyembre 27. Marinduquenews.com

Tell Me What You Think

Romeo A. Mataac, Jr.

Chief Correspondent at Marinduque News Network
Romeo is the founder and chief correspondent of MNN. Concurrently, he is a researcher in a leading global professional services company. Myong, as he is fondly called by his friends, is a true Marinduqueno by heart who loves travelling and exploring places.​

Related posts