Philippine long-tailed macaque, na-rescue sa Poctoy White Beach

TORRIJOS, Marinduque – Isang unggoy o Philippine long-tailed macaque (Macaca fascicularis philippinensis) ang na-rescue sa Poctoy White Beach sa bayan ng Torrijos.

Ayon kay Dr. Josue Victoria, provincial veterinarian ng Marinduque, boluntaryong isinauli ng tagapangalaga ang nasabing hayop sa Marinduque Animal and Wildlife Rescue Emergency Response Team (MAWRERT), Biyernes ng hapon.

Napag-alaman ng Marinduque News mula kay Dr. Victoria na kapag may nakita o namataan na kahalintulad na uri ng hayop lalo na iyong tinatawag na mga ‘endangered species’, dapat itong ipagbigay alam agad sa MAWRERT sa mga numerong 0939-910-0115.

“Hindi sila pet at may mga nakahahawang sakit ang mga unggoy na nasasalin sa tao tulad ng Hepatitis, TB, parasites at iba pa na maaring maglagay sa panganib sa kalusugan ng tao”, paliwanag ni Josue.

Dagdag pa ng beterinaryo, “Higit sa lahat, mayroon tayong Wildlife Protection Act na nangangalaga sa kapakanan ng mga ‘buhay-ilang’, nakapaloob sa batas na ito ang mga kaparusahan sa nasabing paglabag”.

Ang Marinduque Animal and Wildlife Rescue Emergency Response Team habang nire-rescue ang Philippine long-tailed macaque

Sa ngayon ay nasa pangangalaga na ng Marinduque Animal at Wildlife Team ang naturang hayop upang bigyan ng ‘nutritional rehabilitation’ at ‘health management’. Marinduquenews.com

Tell Me What You Think

Kabayan, share me. Thank you!

Romeo A. Mataac, Jr.

About the Author: Romeo A. Mataac, Jr. is the founder and chief correspondent of Marinduque News Network. Concurrently, he is a researcher in a leading global professional services company. He has five year background experience in finance & accounting operations and business process outsourcing. Myong, as he is fondly called by his friends, born and raised in the province of Marinduque. He loves travelling and doing community outreach activities. Email address: info.marinduque@gmail.com. Follow his social media accounts below.

Leave a Reply

shares
error: Content is protected !!