Paruparong bakla na lilipad-lipad sa Marinduque

BOAC, Marinduque – Para sa kaalaman ng lahat, ang ‘Paruparong Bakla’ ay totoo at hindi kathang-isip lamang. Ito ang tawag ng mga lokal na nagpaparami ng paruparo dito sa isla ng Marinduque.

Sa Ingles, ang tawag dito ay ‘Aberrant’. Ang aberrant o paruparong bakla ay iyong uri ng Bila-Bila – lokal na katawagan ng Marinduqueno sa paruparo, ay may kakaiba o bukod tanging kombinasyon ng kulay na ‘di pangkaraniwan sa isang grupo o species ng mga paruparo.

Poplar admiral, a butterfly in the subfamily Heliconiinae of the family Nymphalidae. Photo by Adam Gor

Dahilan sa kanilang namumukod tanging kombinasyon ng mga kulay, ito ay pinag-aagawan ng mga nangungolekta ng paruparo o butterfly collectors sa buong mundo sa napakataas na halaga.

Sa isang Brittish Butterflies-Aberrant Forms, ipinaliwanag dito ang kahulugan ng uri ng paruparong ito. Base sa pagkakalathala na nasusulat sa wikang Ingles, “Aberration is a variation in the wing pattern of a butterfly species which is different in some way to the normal pattern. This can occur as a genetic or environmentally induced variation of the usual form of the species. Aberrations are generally very rare. Some recur on a fairly regular basis and as a result, many have been specifically named.”

Leodegario Layron, owner of Marl Insects and Butterfly Garden in Cawit, Boac introduces different species of butterfly to the guests from Department of Tourism. Photo by Toby Jamilla

Bagaman at bihira lamang na lumabas ang ‘aberrant’ o paruparong bakla, ito ay itinuturing ng mga ‘butterfly breeders’ na biyaya ng Maykapal dahil sa ginhawang dulot nito sa kanilang kabuhayan.

Kung kaya’t mataas ang pagpapahalaga ng mga ‘butterfly breeders’ sa isla ng Marinduque na ingatan ang industriyang ito sa pamamagitan ng pangangalaga sa kanilang mga ‘production areas’.

Department of Tourism-Mimaropa Regional Director Ma. Luisa Diploma, visits one of the butterfly farms in Marinduque. Photo by Toby Jamilla

Patuloy ang kanilang pagtatanim ng mga halaman at punong pagkain, gapangan, itlugan at tirahan ng mga paruparo.

At lagi silang umaasa na sa bawat pag-ani nila ng kanilang pinaparaming bila-bila ay may lumabas na paruparong bakla.

Kung nais ninyong makakita ng paruparong bakla, halina at bisitahin ang magandang islang lalawigan ng Marinduque na hindi lamang tanyag sa taunang Moriones Lenten Rites at magagandang lugar na pasyalan gayundin, maging sa kakaibang uri na nilalang ng Poong Maykapal, Paruparong Bakla katawagan ng mga lokal.

This story was written by Dr. Josue M. Victoria, a provincial veterinarian in the island of Marinduque.
What's on your mind?

Romeo A. Mataac, Jr.

Chief Correspondent at Marinduque News Network
Romeo is the founder and chief correspondent of MNN. Concurrently, he is a researcher in a leading global professional services company. Myong, as he is fondly called by his friends, is a true Marinduqueno by heart who loves travelling and exploring places.​

Related posts