BOAC, Marinduque – Idineklara na ng Palasyo ng Malakanyang bilang special non-working holiday ang Pebrero 21, 2020 sa buong Marinduque.
Ang deklarasyon ay sa pamamagitan ng Proclamation No. 879 na nilagdaan ni Executive Secretary Salvador Medialdea noong Enero 6, 2020.
READ: Ika-100 taon ng Marinduque, ipagdiriwang sa Pebrero 2020
Ito ay para sa pagdiriwang ng sentenaryo ng lalawigan.
Ayon kay Medialdea, layon nitong mabigyan ng pagkakataon ang mga residente na makalahok sa mga aktibidad sa lugar. – Marinduquenews.com
