Buenavista Police, nagpaalala sa implementasyon ng curfew

Kasabay ng pagbisita ng Buenavista Municipal Police Office sa kanilang mga nasasakupang barangay ngayong araw, Hunyo 23, nagsagawa rin sila ng diyalogo at pamamahagi ng mga flyers kaugnay ng Republic Act 9262 o ang Anti-Violence Against Women and Their Children Act. Gayundin, nagpaaalala ang kagawaran ng pulisya sa pagpapalaganap at implementasyon ng pambayang ordinansa patungkol sa curfew.

Dating gobernador ng Marinduque, nagdiwang ng kaarawan

Nagdiwang ng kanyang ika-68 kaarawan noong Hunyo 19 ang dating gobernador ng Marinduque na si Jose Antonio “Bong” N. Carrion. Si Bong Carrion ay nahalalal bilang gobernador ng lalawigan noong 1995 hanggang 1998. Muling kumandidato sa pagkagobernador noong 1998, 2001 at 2004 subalit hindi pinalad na manalo. Matapos ang siyam na taon, muling nahalal sa pagkagobernador si Carrion noong 2007 Legislative and Local Elections.