TORRIJOS, Marinduque – Ang pamahalaang bayan ng Torrijos sa ilalim ng programa ng Bottoms Up Budgeting (BUB) ay nagkaloob ng pitong ‘hand tractors’ sa mga magsasaka nitong Oktubre 24, 2016. Ang mga barangay na nakatanggap ng ‘hand tractors’ ay ang Marlanga, Mabuhay, Poctoy, Malinao, Cabuyo, Kayduke at Bonliw.
Pinangunahan ni Mayor Lorna Velasco ang simpleng seremonya na dinaluhan ng mga kawani mula sa Department of Agriculture. Sinaksihan din ng ilang opisyal ng pamahalaang bayan at mga punong barangay ang ‘turn over ceremony’.