MABUHAY, Torrijos – Tumaob ang isang pampasaherong bus sa Barangay Mabuhay, Torrijos, Marinduque, 5:30 ng umaga nitong Linggo, Enero 28.
Sa panayam ng Marinduque News kay SP01 Gilbert Llante, imbestigador ng Torrijos Municipal Police Station, may 3 sakay na pasahero ang Jac Liner bus na may plate number na UYB770 ng maaksidente ito.
Ayon sa driver ng bus na si Manolo Ricafort, nawalan ng kontrol ang minamanehong sasakyan dahil madulas ang daan matapos umulan.
#MakeADifference: Kabayan, help us to stay up, help us to buy a video camera
Ligtas naman ang lahat ng pasahero nito gayundin ang driver at konduktor.
Paalala naman ni Llante sa mga motorista, dobleng ingat sa pagmamaneho sapagkat madulas ang mga kakalsadahan. –Marinduquenews.com