Magsasagawa ng joint fundraising project sa pamamagitan ng benefit dinner and dance concert ang Integrated Bar of the Philipines (IBP)-Marinduque Chapter, Ang Mata’y Alagaan Partylist at Lalawigan Aasenso kay Velasco (LAV) na may temang ‘Helping People, Changing Lives’ ngayong Nobyembre 10, 2017, ika-7:00 ng gabi sa Blue Leaf Cosmopolitan, Libis, Quezon City.
Kabilang sa mga magtatanghal ay ang Manila Philharmonic Orchestra (MPO) at Las Bonitas. Kasama rin ang mang-aawit na sina Philippine Baritone Joseleo Logdat, The Voice Kids Season 3 Contender Ragen Angel Penaflor at iba pa.
Ang kikitain ng konsyerto ay mapupunta sa mga sumusunod na proyekto; 1) pagpapaunlad ng bamboo industry sa Marinduque 2) pagbili ng mobile diagnostics and clinics na gagamitin sa cataract missions ng Mata Partylist at 3) dagdag pondo para sa mga biktima ng rape at child abuse na tinutulungan ng IBP Marinduque.
Sa mga nagnanais bumili ng tiket at gustong sumali sa naturang benefit show ay maaaring makipag-ugnayan kay Atty. Rommel Fernandez sa mga numerong 0917-531-4859 at (02) 463-9658.
