Umabot sa kabuuang limampu’t lima (55) na sangkot sa droga mula sa iba’t ibang barangay sa bayan ng Buenavista ang boluntaryong sumuko kanina, Hulyo 12, 2016 mga bandang alas 9:30 ng umaga sa mga kagawad ng Buenavista Municipal Police.
Ang mga nasabing drug personalities ay nangako ng pagbabagong buhay sa harap ni Atty. Reynaldo Ariola, Public Attorney 3 ng 2nd District ng Marinduque.
Nangako naman ng tulong pangkabuhayan sa mga sumukong personalidad ang mayor ng Buenavista na si G. Russel Madrigal.
