Nalunod sa ilog ang dalawang batang lalaki na may edad apat at limang taong gulang sa Barangay Aturan, Sta. Cruz, Marinduque kahapon Hunyo 15 bandang alas sais ng gabi.
Nakita ang mga bata na wala ng buhay habang magkahawak kamay sa ilog na malapit sa kanilang tahanan.
Nagsagawa na ng Post Mortem Examination si Dr. Tito Rejano kasama ang Sta. Cruz, Marinduque – Philippine National Police.
Ayon kay Dr. Rejano, “Nalunod ang mga bata (magpinsan) sa ilog na matatagpuan sa Sitio Ibaba na kung tawagin ay Kabo. Ang ilog ay may lalim na limang talampakan at may libtong pa”.
