Mga Pasahero sa Balanacan Port, Dagsa na

Pila ng mga pasahero patungong Balanacan Port Photo courtesy: Ann Margarita Aventino Muhi | Mar 27, 2016

Nagsimula ng dumagsa ang mga pasahero sa Balanacan Port simula pa kahapon, Marso 26 kaya naman inaasahang tatagal ng ilang oras ang biyahe mula sa regular nitong oras dahil sa haba ng pila at dami ng mga pasahero. Ayon sa ulat, umabot na ang pila ng mga sasakyan mula Brgy. Kapayang hanggang Balanacan.

Pinapaalalahanan naman ang mga may sasakyan na kailangan munang pumila sa Brgy. Ino upang mabigyan ng queuing number. Muling pipila bago pumasok sa kabayanan ng Brgy. Balanacan upang hintayin ang pahintulot na makapasok sa Balanacan Port hanggang sa tuluyang makasakay sa RoRo.

Pila ng mga sasakyan patungong Balanacan Port Photo courtesy: Daryl Valencia | Mar 27, 2016

Samantala, hindi pa naman karamihan ang mga pasahero sa Cawit Port sa mga oras ito. Inaasahan din ang pagdami nito sa mga susunod na oras.

Pila ng mga pasahero sa Cawit Port Photo courtesy: Binatang Lakwatsero

Hanay ng mga sasakyan sa Cawit Port Photo courtesy: Binatang Lakwatesro

Nagpahiwatig naman ng mga mensahe ang mga pasahero sa social media hinggil sa kasalukuyang sitwasyon ng mga nasabing pantalan.