TORRIJOS, Marinduque – Nasakote ng mga pulis ang No. 6 most wanted person ng bayan ng Torrijos sa kasong paglabag sa Child Abuse, Exploitation and Discrimination Act sa Sitio Gulod, barangay Bignay, Valenzuela City.
Ang suspek ay kinilala na si Leonito Rementilla Colopano, may-asawa, construction worker at tubong barangay Maranlig, Torrijos, Marinduque.
#MakeADifference: Kabayan, help us to stay up, help us to buy a video camera
Ayon kay Police Inspector Mikhail Gennadi Valeroso, Officer in Charge ng Torrijos Municipal Police Station, dakong alas-10:00 ng gabi noong Marso 2, 2018 nang arestohin ang suspek sa Sitio Gulod, Barangay Bignay, Valenzuela City ng pinagsanib na pwersa ng mga tauhan ng Criminal Investigation and Detection Group (CIDG) 4B-Special Operation Team (SOT), Marinduque CIDG, Valenzuela CPO at Marinduque Provincial Intelligence Branch (PIB) sa bisa ng warrant of arrest na inilabas ni Presiding Judge Emmanuel Recalde ng Regional Trial Court (RTC) Branch 38 sa kasong paglabag sa RA 7610 Section 5 (b) o Special Protection of Children Against Abuse, Exploitation and Discrimination Act.
Ang suspek ay nasa pangangalaga na ng Torrijos Municipal Police. –Marinduquenews.com
