Panawagan sa ating mga kababayang Marinduqueno lalo na sa mga taga Santa Cruz, Marinduque, baka sakaling may mga kamag-anak o kapamilya na nakakakilala kay Tatay Reynaldo Pernia Peregrin.
Ayon sa ibinahaging post ni Grace Deang, si Tatay Reynaldo ay kasalukuyang sakay (as of this posting) ng Saudia, flight no. 872 at darating sa Maynila ngayong araw.
Tatlumpu’t dalawang taon na umano si Tatay Reynaldo na hindi nakakauwi sa Pilipinas. Galing ito sa bansang Sudan. Dahilan sa wala itong pamilya, itu-turnover ito sa Overseas Workers Welfare Administration (OWWA) at pagkatapos ay dadalhin sa Department of Social Welfare and Development (DSWD). Ayon pa sa nagbahagi ng mga larawan, si Tatay Reynaldo ay may parkinson’s disease kaya may kasama ito na taga Department of Foreign Affairs na siyang nangangalaga dito.
Mangyaring pakishare lamang ang post na ito upang makarating sa kanyang mga kamag-anakan. Maraming salamat po.
